امسح دموعك فديتك لا تبكيني معاك
ماأتحمل شوفتك تبكي وانا جالس معك
ليه بس تبكي وتندب حظك وتضحك عداك
قبل أسافر لا تخبي أنا جالس وأسمعك
قلتلك يعني ( بسافر) ضقت والدمع إيغشاك
كل هذا ماتبيني (أبتعد وأودعك) ؟؟
يا نظر عيني فديتك كل همي بس رضاك
عاد يالله بس يكفي لا تزود مدمعك
ياعساني من فداك وكل روحي من فداك
وكل ما تطلب فداك ومطمعي هو مطمعك
يا كثر مالك بقلبي وانت تعرف وش غلاك
ومانخلق مثلك فديتك يا حبيبي ماأروعك
كل هالعالم وربي ما تجي في مستواك
وكل هالعالم وربي ما تساوي أصبعك
كامل ً والكامل الله كمّلك زاد بحلاك
كمّلك أحسن وصوفك وين ما تروح أتبعك
(شاعرك) وافي بحبه والله بعدك له هلاك
قرب وهذي ظلوعي ِدفـْئها من أضلعك
أسمع بقلبي قصيدة أتنهد من بكاك
أجمل وأروع قصيدة فالضلوع تولعك
نبضها من حبر دمي تطربك يا أغلى ملاك
من خفوقي ياحبيبي جت تداعب مسمعك
يالله عاد إمسح دموعك لا تبكيني معاك
ماأتحمل شوفتك تبكي وأنا جالس معك
الأربعاء نوفمبر 25, 2009 1:57 pm من طرف 
